Nga ekspertët janë duke punuar ditë e natë për të gjetur arsyet e ekstremizmit, kurse duket sepërgjigjja për këtë gjatë gjithë kohës ishte para hundës së tyre.
Mos qeshni! Dhe arsyeja është Tom&Jerry. Keshtu mendon, te pakten, Salah Abdel Sadek, kryetari i Shërbimit Informativ Shtetëror të Egjiptit, i cili thotë se filmi vizatimor ka përmbajtje nga të cilat fëmijët bëhen të dhunshëm, e cila të pakën pjesërisht, lidhet me rritjen e ISIS-it, transmeton koha.net.
Duke folur në një konferencë në Universitetin e Kajros, Abdel Sadek tha se filmat vizatimorë “portretizojnë dhunën në mënyrë qesharake dhe dërgon mesazhin se ‘Po, unë mund ta godas atë… dhe unë mund ta hedh atë në erë me eksploziv’”. “Kjo ngulitet në mendje si gjë natyrale”, shtoi ai.
Ai nuk është i vetmi që e fajëson filmin vizatimor me macen dhe miun të bërë në vitin 1940 për luftërat civile në rajon. Pas fjalimit të Sadek, me të është pajtuar gazeta lokale “Youm7”, të cilët kanë shpjeguar në detaje se si Tom&Jerry inkurajon terrorizmin.
Me sa duket, fëmijët të cilët rriten duke shikuar filmin vizatimor, i bënë ata që të përdorin një vizion jo të barabartë të drejtësisë, ku miu gjithmonë ka të drejtë, dhe ka plane “ogurzeza” të mbjella në kokën e tij. B.an
