Nis zyrtarisht java e derbit të kryeqytetit, apo të ndeshjes më rivalitetin më të lartë në futbollin shqiptar, asaj mes “Tiranës” dhe “Partizanit”.
Të dyja skuadrat vijnë pas një momenti pozitiv, pasi bardheblutë kanë gjetur dy rezultate pozitive në dy javët e fundit, fitore ndaj “Luftëtarit” dhe barazim ndaj “Skënderbeut” në transfertë. Edhe “Partizani” vjen në këtë përplasje pas fitores me “Flamurtarin” në Tiranë.
Por pavarësisht historikut dhe fjalëve të shumta që mund të thuhet, derbi është një ndeshje ku nuk mund të ketë parashikime të sakta. Derbi i kryeqytetit do të luhet të premten në orën 19:45.
Tifozët e dyja skuadrave kanë nisur përgatitjet dhe thumbat drejtuar njëri-tjetrit.
/b.d
