Një ngjarje e rëndë ka ndodhur ditën e sotme në Itali. Bëhet me dije nga burime për mediat e huaja se një 55-vjeçar shqiptar ka humbur jetën në një aksident tragjik në Itali.
Nga detajet mësohet se dy automjete u përplasën me njëra-tjetrën rreth orës 14:30 në via Iseo, në Erbusco, Breshia.
Ndër të tjera mësohet se shqiptari ka qenë pasagjeri i njërës prej dy makinave të përfshira në aksident. Në vendngjarje kanë ndërhyrë tre autoambulanca por për të shpëtuar jetën e shqiptarit ishte tepër vonë.
Personat e tjerë të përfshirë në aksident nuk kanë pësuar lëndime të rënda, por kanë nevojë për ndihmë mjekësore.
