Sulmuesi i Manchester Unitedit, Zlatan Ibrahimoviç dhe mbrojtësi i Bournemouthit, Tyrone Mings, janë akuzuar për sjellje të pahijshme në përballjen e dy skuadrave në fundjavë.
“Futbollistët janë përfshirë në dy incidente të ndara rreth minutës së 44-të, incidente që nuk u panë nga zyrtarët e ndeshjes në kohë, por u panë në kamerë”, thuhet në sqarimin e akuzës nga Federata e Anglisë.
Nëse të dy futbollistët shpallen të fajshëm mund të dënohen me nga tri ndeshje mos-lojë. Dy lojtarët kanë të drejtë të paraqesin ankesat deri të martën në ora 18:00, me çka edhe mund t’i shpëtojnë dënimit nëse sjellin prova të mjaftueshme, përgatiti “Express”. (b.an)
