Kryeministri Edi Rama ka publikuar një video për të shënjuar ditën e parë të fushatës zgjedhore për 25 prillin. Me zërin e artistit të njohur Robert Ndrenika që flet në emër të maxhorancës preken tema si teatri, tërmeti e pandemia, duke kërkuar një mandat të tretë, një ‘akt të dytë’ për të çuar në fund punët e nisura.
Në video dëgjohet aktori Robert Ndrenika i cili thotë që nuk ka kohë për pushim e se punët duhen çuar deri në fund.
“Është koha që punët e nisura ti cojmë deri në fund. Së bashku do të vallëzojmë sërish, do të ngrihemi më të fortë se më parë, nuk ka kohë më për pushim. Shqipëria është e ardhmja jonë“, thekson aktori Ndrenika.
“MIRËMËNGJES
dhe për hajër të gjithëve bashkë, për njëri-tjetrin dhe për Shqipërinë, e ardhmja jonë
*Dita e Parë e ndeshjes zgjedhore“, shkruan Rama.
g.kosovari
