Analisti Plator Nesturi, në emisionin ‘3D nga Alban Dudushi’ në RTSH deklaroi se Berisha e di mjaft mirë se PD-ja nuk është forcë fituese në zgjedhje, qoftë nga bagazhi i njerëzve që ka përreth, qoftë edhe nga fakti se në të gjitha sondazhet PD-ja del me mbështetjen më të ulët ndaj saj si forcë politike.
“Gjëja më e rëndësishme ka qenë prania e tij në Kuvend, vendi ku ndihet pushteti. Atij i ka munguar aroma e pushtetit për 11 muaj. Nuk është pa pasoja. Te Berisha në vetë vete ka rëndësi prania. Është herët për të bërë një lojë siç do ai. Duket se ka përparësi të tjera. Ai tha se ne duhet të pastrojmë shtëpinë tonë. Ai ka në dorë të zgjedhë listën e deputetëve. Do marrë në shqyrtim ata të tjerët. Është se çfarë do të jetë PD-ja nesër. Me këtë bagazh njerëzish që ka ai e di shumë mirë se nuk është alternativë konkurruese. Hapja e një partie nuk bëhet pa pastruar një pjesë të saj. Në të gjitha sondazhet besueshmëria e PD-së është shumë e ulët. Madje në minimumin historik të saj.”, tha Nesturi.
/a.r
