Ka nisur me debate komisioni i Shëndetësisë, ku pritej që ministrja Klodiana Spahiu të paraqiste përpara deputetëve projektbuxhetin e vitit 2027.
Moslejimi i leximit të deklaratës nga kreu i këtij komisioni çoi në ndërprerjen e mbledhjes, ku në fillim u larguan socialistët.
Por deputetët socialistë janë rikthyer dhe, pas largimit të Spahisë, mbledhjen e drejtoi nënkryetari Eduart Shalsi.
Klodiana Spahiu tha: “Për vitin 2027, buxheti i Ministrisë së Shëndetësisë parashikohet të arrijë në 117.8 miliardë lekë, me një rritje prej rreth 4.7 miliardë lekësh, krahasuar me planin e vitit 2026. 84.2 miliardë lekë parashikohen për sektorin e shëndetësisë dhe 33.5 miliardë lekë për mirëqenien sociale dhe ish-të përndjekurit politikë”.
Ndërkohë, shpenzimet e skemës së sigurimeve shëndetësore, të administruara nga Fondi i Sigurimit të Detyrueshëm të Kujdesit Shëndetësor, parashikohen në 70.8 miliardë lekë, me një rritje prej rreth 1.6 miliardë lekësh krahasuar me vitin 2026.
Ky projektbuxhet u miratua vetëm me votat e deputetëve socialistë në Komisionin e Shëndetësisë.
