Nesër në Gjykatën e Posaçme pritet të hidhet shorti për t’u përcaktuar treshja e gjyqtareve që do të gjykojnë dosjen Partizani.
Gjyqtarja Flojera Davidhi ka dorëzuar të premten vendimin e zbardhur të seancës paraprake që kaloi çështjen në gjyq.
Nga shorti përjashtohen vetëm Floreja Davidhi dhe Irena Gjoka, pasi kanë qenë gjyqtare të hetimeve paraprake dhe të seancës paraprake. Të gjithë të tjerët do jenë në short.
Çështja shqyrtohet me tre gjyqtarë. Hidhet fillimisht shorti elektronik për kryesuesin dhe pastaj hidhet po me short elektronik për dy anëtarët e tjerë. Po të hënën Berisha duhet të paraqitet për të zbatuar masën e sigurisë detyrim paraqitjeje.
