Nesër komedia e Saliut do kthehet në tragjedinë e tij!

Nga Spartak Ngjela/

Edhe Merkeli foli për Reformën shqiptare dje.
Edhe presidenti Obama ka folur.
Edhe Komisioni i Bashkimit Europian po pret.
Nesër është dita e fundit kur duhet të mbarojnë takimet për Reformën.
TE GJITHE PËR REFORMEN SHQIPTARE; e gjithë politika e lartë perëndimore.!!!
A e keni vrarë mendjen, pse?
E thjeshtë:Sot Shqipëria ka një rëndësi shumë të madhe për politikën e lartë perëndimore. Fat i madh për shqiptarët, gjithmonë në varfëri e në vuajtje; por ja që kundër tyrë sot janë ata që kanë qenë gjithmonë: abuzuesit e shqiptarëve.
Ky është një turp historik; se ky është një shembull tëpër i rrallë në histori, kur, një grup njerëzish të korruptuar, që kanë sunduar dhe sundojnë në Shqipëri, për të shpëtuar veten nga ndëshkimi ligjor, bllokojnë zhvillimin shqiptar. Në fakt, kjo është substanca e të gjithë diktatorëve dhe e të gjitha diktaturave. Kjo po ndodh sot edhe në Shqipëri. Por, ky rasti ynë ka dhe një shtesë: të fuqishmit i kërkojnë abuzuesëve shqipatrë që vetë të nënshkruajnë ndëshkimin e tyre për abuzimin që kanë bërë në shpinë të shqiptarëve.
Historia e korrupsionit shqiptar është si ato komeditë e shkrimtarit rus Gogol; sepse, këta abuzuesë, për të qenë brenda demagogjisë së tyre, aplikuan për ta futur Shqipërinë në NATO, dhe në Bashkimin Euroipian. Dhe iu krenuan shqiptarëve për këtë, që të vijonin vjedhjen e shqiptarëve edhe më mirë, duke thënë me vete, “prisni, prisni, sa të ngopen vajzat tona, djemtë tanë, gjithë fisi ynë me paratë tuaja…dhe, pastaj, me paratë e vjedha, të blejmë varfërinë tuaj. Prisni!” Dhe kjo, në fakt, ka ndodhur deri tani.
Por këtu erdhi dhe u përqëndrua vetë komedia e tyre, që tani, shumë shpejt do të shkasë në tragjedinë e tyre. Së pari, Shqipëria u pranua në NATO. Saliu u sëmur atë ditë, por e kaloi. Kurse pas disa vjetësh avancoi procedura drej Bashkimit Europian. Saliu e zvarriti se ishte kryeministër, duke menduar se “jemi myslimanë, nuk na pranojnë”; dhe, me këtë naivitet, fallsifikoi me dorë të tij rezultatet e regjistrimit. Por naiv: pse, nuk i njeh shqiptrët, si histori dhe si aktualitet, politika e lartë perëndimore?
Ja, tani ka ardhur fundi: shqiptarët presin Bashkimin Europian, kurse politika e lartë europianoperëndimore thotë: kushti ynë është drejtësia për shqiptarët. Por komendianët ende kanë shpresa, dhe zvarritin procesin. Por e kanë të kotë: nesër mbaron komedia e tyre si tallje me shqiptarët; dhe fillon tragjedia e tyre si përgjësi kundrejt ligjit, për të gjitha ato që kanë bërë.
Në krye është Sali Berisha me taborin e tij. Por tani nuk ka se çfarë të bëjë më. Dje ka llomotitur Saliu gjithë ditën, se i trembet takimit Rama – Basha. Sigurisht, Basha kukulla e tij është, por edhe forca është forcë. Është në hall, prandaj paraqiti një tjetër draft, sipas të cilit, organet speciale të drejtësisë t’i emëronte ai. Qesharake. Në fakt reforma këto ua jep ndërkombëtarëve; domethënë të drejtës dhe paanësisë maksimale. Prandaj, çfarë kërkon Saliu?…
Por do ketë presionë edhe më të mëdha kundër abuzimit dhe pro shqiptarëve. Sepse ja, Meta është thirrur në pyetje në Uashington. Kush e pyet: FBI, apo organe të tjerë ligjorë? Po Saliu që e ka pasur shpresën te Meta? Po Meta që e ka pasur shpresën te Saliu? E shihni se kush i ka qeverisur shqiptarët? E kuptoni sesi janë pasuruar këta me të gjithë taboret e tyre? Naivë dhe fëminorë në mendje. Pse, këta mendojnë që, me disa dokumenta fallso, do të mbajnë pronat e pronarëve të ligjshëm; këta dhe i gjithë soj e sorrollopi i tyre? Kjo është frika. Por kjo është pak, o të mjerë!
Reforma ka katër vjet që kërkohet nga politika e lartë perëndimore, në favor të shqiptarëve, por e ka sorrollatur Berisha, sepse ishte kryeministër. Edhe sot, po të kenë kryeministrin shqiptar me vete, ajo sërtish sorrollatet; por kryeministri aktual shihet se pranon politikën e lartë perëndimore; dhe bën mirë të mos zvarritet më, që të mos lindin dyshime edhe për të.
Shkoni e firmosni nesër e tutje, se, sidomos, Saliu e di mirë se çdo të thotë politikë amerikane!
Nesër fillon beteja reale e shqiptarëve për drejtësi shoqërore dhe për të hyrë pas pesëqind vjetësh atje ku e kanë vendin: në Bashkimin Europian. Dhe mos mendoni se shqiptarët kanë bërë pak për t’u rikthyer te vendi nga i kanë shkëputur me dhunë të shfrenuar.