Sonte në Zululand ishte i ftuar nënkryetari i Bashkisë Tiranë, Arbjan Mazniku për të diskutuar rreth zhvillimeve të deritanishme në këtë bashki dhe për inciativën e kryetarit të Bashkisë Erion Veliaj për t’i kthyer qytetit traditën e vjetër, biçikletën.
Mazniku tha se deri në 2017, Bashkia ka si synim t’ia kthejë qytetin biçikletave, duke shmangur kështu edhe përdorimin e makinave personale. Madje ai tha se kryetari Veliaj përdor 2 ose 3 herë në javë biçikletën për në punë. Ndërkohë që nënvizoi se po punohet për korsinë e biçikletave.
Nano dhe Mazniku u ndalën edhe tek qeverisja qendrore duke e krahasuar me atë lokale. Ai tha që është më e vështirë të qeverisësh Bashkinë e Tiranës tanimë që qytetit i janë bashkuar dhe komunat.
“Bashkia e Tiranës është punë mjaft operative ka pak politikbërje dhe ka shumë punë operacionale dhe për rrjedhojë ndryshimet që merren ndihen, dallohen dhe vihen re shumë shpejt dhe është shumë e kollajt dhe rregullimi. Qeverisja e vendit kërkon më shumë hartim politikash, pra qeveris më shumë me letra sesa me punë të mirëfillta dhe bërja e punës është një nivel më e shkëputur nga qeverisja ndaj dhe jo gjithmonë dallohet aq shpejt impakti i punës”, tha Mazniku në studiot e TemA TV.
