Një person i shpallur në kërkim për një sërë vjedhjesh në qytetin e Vlorës, është vënë në prangat e policisë.
Gjatë pasdites së kësaj të premteje, u bë arrestimi i E. Sh., 26 vjeç, banues në Vlorë, i dyshuar për veprën penale “Vjedhja e kryer më shumë se një herë”.
Nga hetimet e kryera ka rezultuar se 26-vjeçari, dyshohet të jetë autorë i disa vjedhjeve të kryera në qytetin e Vlorës.
Më konkretisht ai akuzohet se më 31 janar, në lagjen “1 Maji” Vlorë, dyshohet të ketë vjedhur biçikletën e shtetasit K.I.
Më datë 6 shkurt, në lagjen “Isa Boletini” Vlorë, dyshohet të ketë vjedhur biçikletën e shtetases V.Xh.
Po më datë 6 shkurt në lagjen “Lef Sallata” Vlorë, dyshohet të ketë vjedhur orendi shtëpiake në pronësi të shtetasit Q.Gj. dhe në të njëjtën ditë, në lagjen “10 Korriku” Vlorë, dyshohet të ketë vjedhur biçikletën e shtetasit R.M.
Ndaj të dyshuarit hetimet janë në vijim për të zbuluar ngjarje të tjera ku mund të jetë i përfshirë.
g.kosovari
