Pas një hetimi të gjatë “Guardia di Finanza” e Romës ekzekutoi vendimin e lëshuar nga Gjykata e Apelit për konfiskimin e pasurive dhe pronave, që i përkisnin klanit të grupit të njohur “CASALESI Iovine”, si dhe grupit tjetër “Guarnera di Acilia”, anëtar i së cilës ishte edhe një shqiptar.
Pasuritë e tyre të paligjshme kapnin një vlerë totale mbi 22 milion euro. Dispozita, e formës së prerë, që çoi në sekuestron e pasurive të anëtarëve të dy grupeve që dyshohet se e kishin vënë atë përmes aktiviteteve kriminale, buron nga një hetim i gjerë i drejtësisë italiane.
Hetimet ndaj anëtarëve të dy grupeve kishin nisur që në tetor 2013, kur u arrestua Mario Lovine (lindur në ’59), Sergio Guarnera (lindur në ’55), Sandro Guarnera (lindur në ’53), Franco Crispoldi (lindur në ’57) dhe Arben Zogu (lindur në ’73), për grabitje, vrasje, regjistrimit fiktiv të pasurive dhe konkurrencë e paligjshme përmes kërcënimeve dhe dhunës.
Drejtësia italiane në vitin 2019 kishte ngritur akuza të reja ndaj vëllezërve Guarnera dhe shqiptarit Arben Zogu, për grabitje dhe konkurrencë të paligjshme, si dhe kërcënime me dhunë dhe trafik ndërkombëtar droges. Hetimet e mëvonshme zbuluan edhe pasuritë e tyre, për të cilat u vendos sekuestroja nga shteti italian.
Në sekustro ndaj pjesëtarëve të kësaj organizate u vendosën aksionet dhe të gjithë asetet e tyre në korporata të 7 kompanive të ndryshme; 9 njësi të pasurive të patundshme dhe 1 sipërfaqje tokë e cila ndodhej në Romë dhe një tjetër në provincën e L’Aquila; 2 vetura dhe 2 motoçikleta; para, për një vlerë që tejkalon 22 milion euro.
/e.rr
