Ambasadori i Shqipërisë në Kosovë, Qemal Minxhozi është takuar sot me Ministren e Punëve të Jashtme dhe Diasporës, Meliza Haradinaj-Stublla.
Në një status në Facebook, Meliza Haradinaj-Stublla thotë se bëhet fjalë për një takim shumë të përzemërt gjatë së cilit u ritheksua nevoja e një dinamike të re bashkëpunimi dhe aspirate drejt integrimit euro-atlantik dhe avancimit të prioriteteve tona të përbashkëta.
STATUSI I PLOTË
Kosova dhe Shqipëria e kanë ndërtuar të kaluarën dhe të tashmën, duke qenë Një dhe po në këtë trase, do të vazhdojmë rrugëtimin tonë.
Sot në një takim shumë të përzemërt me Ambasadorin e Shqipërisë në Kosovë z.Qemal Minxhozi, ritheksuam nevojën e një dinamike të re bashkëpunimi dhe aspirate drejt integrimit euro-atlantik dhe avancimit të prioriteteve tona të përbashkëta.
Falënderova z. Minxhozi për kontributin e jashtëzakonshëm të Shqipërisë në të gjithë rrugëtimin tonë të shtetndërtimit, që nga çlirimi e në vazhdimësi dhe kërkova mbështetjen e Shqipërisë edhe më tutje në proceset që i kemi përpara e që janë jetike për Kosovën, dhe për çështjen shqiptare në përgjithësi.
/e.rr
