Një shpethim me tritol ka tronditur zonën e Bathores në periferi të Tiranës gjatë orëve të para të kësaj të premteje.
Objektiv i sulmit ishte banesa e një të dënuari për vrasje, konkretisht shtetasit Gazmir Daci. Fatmirësisht në këtë ngjarje nuk ka pasur persona të lënduar por vetëm materiale.
Gazmir Daci është një perosn mjaft i njohur për drejtësinë. Ai aktualisht ndodhet në burg ku po vuan një dënim prej 35 vitesh burg për vrasje.
Daci është dënuar për atentatin ndaj vëllezërve Valmir dhe Robert Kolaveri, ndodhur në 4 nëntor të vitit 2015 në Kamëz. Valmiri mbeti i vdekur në këtë ngjarje ndërkohë vëllai tjetër u paralizua.
Mesnatën e 22 dhjetorit, policia do të arrestonte të kërkuarin Gazmir Daci. Ai u kap në dhomën e një hoteli, në autostradën Durrës-Tiranë nga një operacion i zhvilluar na efektivët e Policisë së Tiranës dhe RENEA-s.
Pas atentatit ndaj vëllezërve Kolaveri ka pasuar disa tentativa për eliminimin e Gazmir Dacit. Ndaj tij u organizua një atentat me snajper që bëri shumë bujë. Teksa ndodhej në burg, Dacin tentuan ta eliminonin por autori gaboi shënjestër duke plagosur një shtetas kosovar.
Lidhur me ngjarjen u arrestua vëllai i tretë i Valimir dhe Robert Kolaverit, Ergysi së bashku me një kushëririn e tij.
Disa muaj më pas, një tjetër shpërthim ndodhi në lokalin e babait të Gazmir Dacit por fatmirësisht pa të lënduar. Shpërthimi i sotëm në banesën e tij është ngjarja e radhës e një seri atentatesh. Edhe më parë atij i kanë vendosur tritol në banesë. Pikërisht pista e hakmarrjes po hetohet nga policia.
Përplasjet në Francë
Përplasja mes Kolaverëve dhe Gazmir Dacit kishte nisur që kohë më parë në Francë ku vëllezërit Kolaveri ishin përfshirë në një konflikt me Gazmir Dacin.
Dy vëllezërit Kolaveri dhe Gazmir Daci, që njihet edhe me emrin Elson, mësohet se jetonin prej kohësh në Francë dhe merreshin me transportimin ilegal të klandestinëve nga Franca drejt Anglisë. Pikërisht ky ka qenë edhe motivi i parë i konfliktit mes tyre. Vëllezërit Kolaveri kishin rrahur në bodrumin e një banese në Francë Dacin, pasi ky i fundit po u prishte pazaret e transportimit të klandestinëve dhe po u merrte klientët.
Kur u kthyen në atdhe, ata u takuan rastësisht dhe pas debatit, Gazmir Daci nxori armën dhe qëlloi dy vëllezërit.
Atentati në burg ndaj Dacit
Më datë 30.07.2016, rreth orës 16:30, në ambientet e ajrimit, brenda I.E.V.P, Vaqarr, Tiranë, është plagosur me armë zjarri në pjesën e këmbës shtetasi Lili Dulaj, i dënuar më parë në shtetin e Kosovës, për shkelje të rregullave të qarkullimit rrugor dhe i ndaluar me masë sigurimi “Arrest në burg”, për veprën penale “Dhunë në familje”.
Nga hetimet ka rezultuar se ky person është goditur nga një distancë e konsiderueshme jashtë mureve rrethuese të këtij burgu dhe ndaj tij është qëlluar me një armë zjarri.
Gjatë veprimeve të para hetimore, ka rezultuar se, shtetasi Lili Dulaj nuk ka qenë shënjestra e këtij atentati, pasi shënjestër ka qenë shtetasi Gazmir Daci, i cili ndodhet në masën arrest në burg, për veprat penale “Vrasje me dashje”, “Vrasje e ngelur në tentativë” dhe “Armëmbajtje pa leje”, pasi ky shtetas më datë 04.11.2015, pas një konflikti të mëparshëm, ka vrarë me armë zjarri shtetasin Valmir Kolaveri dhe plagosur rëndë vëllain e tij Robert Kolaveri, i cili aktualisht është i paralizuar.
Nga verifikimet e kryera, ka rezultuar se nga vendi i ngjarjes është larguar me shpejtësi një automjet tip “Mercedes Benz” Vito ku nga verifikimet rezulton posedues shtetasi Ergys Kolaveri, vëllai i Valmir dhe Robert Kolaveri. Në momentin e kapjes së tij, ai ka qenë së bashku me shtetasin Enea Caka, kushëri i tij./a.m.
