Aktori i madh Robert Ndreknika reagoi sot në lidhje telefonike me “Shqipëria Live” në “Top Channel” në lidhje me atë takim të ngrohtë në gjykatë me kryetarin e Bashkisë së Tiranës, Erion Veliaj. Ai shprehet se Veliajn e njeh që kur ai ishte në klasën e shtatë.
“Unë kam miqësi me Veliajn që kur ka qenë nxënës në 7-vjeçare. Unë e kam ndier si djalin tim të adaptuar, e kam dashur. Kohët e fundit nuk kemi pasur shumë lidhje, por i kam vajtur ndonjëherë për kafe. Më donte dhe e doja.
Historikisht të gjithë paraardhësit e mi në art thonin se kur do të bëhet një teatër i ri. Ajo ndërtesë që na mbajti për 50 vite ishte një kalbësirë. Konflikti për prishjen më së shumti ishte debat politik mes PD dhe PS. Kolegët pothuajse të gjithë më kanë thënë se kam bërë shumë mirë që kam vajtur.
Komentet më kanë mërzitur, por edhe më kanë bërë qejfin. Ka edhe keqkuptime. Më kanë thënë se edhe më ka dhënë shtëpi. Unë shtëpinë e kam trashëgimi që në kohën e Fan Nolit.
Unë dua që politika ta mbështesë më tepër artin, sidomos teatrin. Arti duhet të ketë edhe pavarësi, siç kanë gjykatat pavarësinë e vet. Arti duhet të jetë asnjanës. Unë druaj të them se Veliaj do të dalë i pafajshëm. Dhe në mos daltë i pafajshëm këtu në Shqipëri, në nivelet ndërkombëtare do të dalë i pafajshëm, sepse e di se është i pafajshëm”, u shpreh Ndrenika.
Mjeshter, nuk e di pse e mundon veten per te bindur sektin e qelbur?! Jane specie qe jetojne vetem me helmin e tyre!