I ftuar në “NewsLine” në ABC News, analisti Arben Meçe theksoi se çështja e paraburgimeve ishte bërë shqetësuese. Gjatë intervistës, Meçe komentoi edhe debatin lidhur me kafazin e qelqtë në gjykatë.
Analisti Meçe gjatë fjalës së tij, theksoi se personat që nuk përbëjnë rrezikshmëri shoqërore nuk kanë përse të vendosen në kafaz.
“Avokatët kanë në dorë një dokument që vendos me shpatulla pas muri prokurorin dhe avokati sëbashku me këtë dokument marrin rëndësi sepse e detyrojnë që të mos shkohet menjëherë të paraburgimi. Pra tashmë kryesore është që kjo praktikë është në dorë të trupave, avokat, prokuror e gjyqtar.
Unë më tepër e shoh në dorë të avokatit. Këtë gjë nuk dua ta interpretoj politikisht e shoh si gjënë më pozitive, sepse paraburgimi ishte bërë me të vërtetë shqetësuese. Pra ishte edhe fakti se prokurorët paaftësinë e mbulonin me faktin duke e futur njëherë brenda. Në këtë plan nuk do ta politizoj fare, por i qëndroj atij fakti.
Masa që mori gjykata e lartë. Kolegjet e Gjykatës së Lartë për ta riparë edhe njëherë procesin e paraburgimit, ishte gjëja më pozitive. Më vjen keq që Ilir Meta nuk arriti që ta kapërcente. Pra edhe me këtë material nuk e nxorën dot nga paraburgimi, qoftë Meta qoftë Veliaj, ka një të drejtë që çështjet duhet të jenë të hapura. Gjykata e Lartë i bën të hapura, ndërsa gjykatat e nivelit të parë dhe GJKKO i bën të mbyllura. Edhe për kafazin duhet mbajtur një qëndrim. E vetmja gjë që nuk kanë faj gjyqtarët. Standardi është i njëjtë për të gjithë, por ndoshta ka ardhur momenti që të themi se kjo pjesë që nuk paraqet rrezikshmëri shoqërore, të mos jenë. Pra e them se unë jam se nuk duhet të jetë në kafaz nëse nuk përbën rrezikshmëri shoqërore. Për mua le të jenë të hapura”, tha Meçe.
