Zona e Drenovës në Mallakastër prej disa orësh është nën pushtetin e flakëve, ku tre vatra zjarri po djegin sipërfaqe të konsiderueshme me kullotë, pyje dhe ullishte.
Vatrat janë riaktivizuara disa herë për shkak të terrenit dhe erës që favorizon rindezjen dhe përhapjen e shpejtë të tyre.
Forcat zjarrfikëse janë përpjekur të mbajnë nën kontroll flakët, deri sa u realizua ndërhyrja nga ajri pasdrekën e së hënës, që shikohet si mundësia e vetme për të fikur zjarret.
Vatrat e zjarrit janë aktive në këtë zonë që ditën e diel.
