Luan Pobrati, ekspert i njohur i shërbimeve sekrete, është ndarë nga jeta në orët e para të kësaj të enjteje.
Mësohet se pak pas mesnate, rreth orës 01.00, Luan Pobrati ka mbyllur sytë përgjithmonë.
Prej kohësh ai vuante nga një sëmundje e rëndë, betejën me të cilën nuk e ka fituar dot.
Ai është djali i “Heroit të Popullit” Hekuran Pobrati, rrugën e të cilit e ndoqi dhe vetë duke u dalluar si një nga specialistët më të mirë në vend për shërbimet sekrete.
Para viteve ’90, Luan Pobrati ka shërbyer si operativ i Shërbimit Sekret dhe mbulonte inteligjencën universitare.
Ndërkohë, pas vitit 1997 Pobrati shkoi si Inspektor i Përgjithshëm i Kryeministrit për SHISH-in.
Në kohën kur ai ishte Inspektor për Shërbimin Informativ të Shtetit, kryeministër i vendit ishte Ilir Meta.
Ai eshte arrestuar nga Berisha ne vitin 1992 por dhe me pas ka qendruar ne paraburgim, nen akuza politike.
Luan Pobrati sjell një dëshmi tronditëse; në vitin 1992 ka qenë i arrestuar nën akuzën e armëmbajtjes pa leje dhe pikërisht atëherë ka marrë një ofertë të papritur në këmbim të lirisë së tij: Të dëshmontë për të shkuarën e disa prej deputetëve të PD-së, atëherë në pushtët, deputetëve të PS-së, gazetarëve dhe artistëve të njohur. Oferta i është bërë nga vetë ish-kreu i SHIK-ut Gazidede, i cili në qeli e ka pyetur edhe për vetë ish-Presidentin Berisha./m.j
