Tifozët e Real Madridit nuk e duan portierin italian Gianluigi Donnarumma e as spanjollin David De Gea. Portieri Gianluigi Donnarumma edhe zyrtarisht ka njoftuar se nuk do të vazhdojë kontratën me Milanin, e cila do të skadojë në vitin 2018.
Tashmë kanë filluar thashethemet që e lidhin italianin me një kalim në Real Madrid, kur dihet se ai pëlqehet nga presidenti Florentino Perez.
Por, tifozët e Realit nuk e duan Donnarumman e as De Gean në portën e tyre, pasi kanë besim në portierin aktual Keylor Navas, me të cilin skuadra fitoi dy tituj radhazi të Ligës së Kampionëve dhe La Ligan.
Në një sondazh të përditshmes spanjolle AS, se kush duhet të jetë portier i parë i Realit, Navas, De Gea apo Donnarumma, shumica mendojnë që të vazhdohet me Navas.
45 për qind janë pro Navasit, 38 prej tyre duan Donnarumman, ndërsa vetëm 16.7 duan transferimin e spanjollit David de Gea, përgatiti ”Express”. (b.an)
