Napoli nuk di të fitojë, javë barazimesh në Serinë A
Napoli i Sarrit nuk di të fitojë. Trajneri i “axurrëve” nuk ka arritur të marrë më shumë se një pikë kundër ish-skuadrës së tij, ndërsa fusha e Empolit vazhdon të mbetet tabu për Napolin që nuk ka fituar asnjëherë në stadiumin “Castellani”. 2-2 ishte rezultati që spikati në sfidat e mesditës në Serie A, me katër takime qe u mbyllën me rezultat të njëjtë, por ai që spikat më shumë, është ai i regjistruar në Toskanë mes Empolit dhe Napolit. Jugorët sërish nuk arritën të marrin fitoren e parë në kampinat duke regjistruar të dytin barazim radhazi po në shifrat 2-2. Sarri rikthehej në Empoli, për t’u ndeshur me ish-ekipin e tij ashtu si dhe Elseid Hysaj që ishte titullar për Napolin, pasi arriti të riaftësohej në kohë nga dëmtimi i pësuar me Sampdorian që e la jashtë ndeshjes së kombëtares. Sfida megjithatë nuk nisi mirë për Napolin, që u ndëshkua që në minutën e 3-të nga Saponara. Megjithatë gëzimi i jugorëve nuk zgjati shumë pasi në të 18-tën, Pucciarelli përfitoi sërish nga një hapje në qendër e mbrojtjës së Napolit për të rikthyer në epërsi Empolin. Napoli u përpoq, por golin e barazimit e gjeti në të 50-tën me Alan. Në minutat e mbetura, ekipi Sarrit nuk arriti të shënojë golin e fitores duke marrë vetëm një pikë në këtë transfertë e duke shfaqur të njëjtat probleme si ato të sezonit të kaluar me Benitez.
Barazimet e tjera
Verona dhe Torino gjithashtu regjistruan një barazim 2-2 mes tyre, ku gjithçka u vendos në pjesën e dytë, ku për vendasit shënuan Toni dhe Gomez e për miqtë Baselli e Acquah. Në sfidat e tjera ndërkohë Sassuolo-Atalanta dhe Palermo-Carpi gjithashtu u regjistruan dy barazime 2-2.
Rezultatet
Verona 2 – 2 Torino
Empoli 2 – 2 Napoli
Palermo 2 – 2 Carpi
Sassuolo 2 – 2 Atalanta
Lazio – Udinese 18:00
Inter – Milan 20:45
