Ministri i Drejtësisë Nasip Naço theksoi edhe një herë kërkesën e qeverisë shqiptare që të bëhen ndryshime kushtetuese, në sistemin e drejtësisë, dhe konkretisht në Këshilliin e Lartë të Drejtësisë.
Duke folur nga tryeza për drejtësinë, Naço përsëriti kërkesën që Presidenti të mos jetë me kryetar i KLD e të gjitha kompetencat e tij t’i marrë Kreu i Gjykatës së Lartë. Po ashtu, si pjesë e këtyre ndryshimeve edhe ministri duhet të mos jetë më anëtar i KLD-së.
Naço përsëriti mesazhin se drejtësia duhet të ndahet njëherë e mirë nga politika.
Ndërkohë nga ana e tij, Presidenti dhe njëherësh Kreu i KLD Bujar Nishani tha se Shqipëria eshte në proces të rëndësishëm reformash por sipas tij, reformat kërkojnë angazhim të të gjithë aktorëve.Ai e ka cilësuar reformën në drejtësi si një proces gjithëpërfshirës.
Duke u ndalur te roli i KLD, Nishani ritheksoi funksionin si organ kushtetues në majën e piramidës së drejtësisë. Për Nishanin sfidat e gjyqësorit mbetet ende mbrojtja e integritetit të gjyqtarëve dhe lufta pa kompromis në radhët e gjyqtarëve.
