Kryeministri Edi Rama foli sot në lidhje me çështjen e luftës në Kosovës dhe sagën e hetimeve nga Gjykata e Hagës.
Fill pas përfundmit të tij, deputetja Rudina Hajdari përcolli disa rezerva ndaj shefit të qeverisë.
Ndër të tjera ajo ngriti një paralele mes luftës së Kosovës dhe krimeve të komunizmit në vendin tonë që janë ende pa ndëshkuar.
“Ishte vërtet një fjalim i duhur dhe na preku të gjithëve. Rama mbajti një fjalim për rreth një orë dhe e pushton këtë foltore në mënyrë makabre më keq se Fidel Kastro. Hipokrizia më e madhe në këtë Kuvend nuk është vetëm e Ramës por e të gjithë kryeministrave të mëparshëm, nuk mund të flitet këtu për Kosovën pas folur për 7 mijë viktimat e komunizmit apo 60 mijë të internuarit dhe pa gjetur e dënuar xhelatët e komunizmit dhe futur ato në burgje. Ne i kemi bërë gjëmën këtij vendi, ajo që Serbia i ka bërë Kosovës ne ja kemi bërë vendit tonë. Duhet ta shikojmë të shkuarën ashtu siç është, të mos kemi turp dhe ti themi disa të vërteta para se të zëmë në gojë Kosovës”, tha Hajdari.
I menjëhershëm ka qenë ndërhyrja e kryeparlamentarit Gramoz Ruçi duke e cilësuar ndërhyrjen e Hajdari si të gabuar.
“Me keqardhje mund të them Zonja Hajdari se bërë ndërhyrjen më të gabuar, në kohën më të gabuar dhe me përmbajtjen më të gabuar. Unë personalisht janë dëshmitar okular i të gjithë kryeministrave në këto 30 vite dhe të gjithë në mbështetje të çështjes së Kosovës dhe asnjë krahasim mes Kosovës dhe Shqipërisë është i papranueshëm veçanërisht në këtë ditë të sotme”, tha Ruçi.
/a.r
O zot kur flet dhe kjo biba qe e ka pas te jatin spiun te sigurimit te shtetit me pseudonimin galanteri,sipas vete gazetes se partise demokratike.Ska faj i iken meleonat nga dora qe i bente e jema me 4 klase shkolle gjygjtare apeli