SPAK shpall moskopetencën për shqyrtimin e kallëzimti të PD-së për dhunën e policëve ndaj protestuesve më 23 dhjetor 2024.
Në dokument thuhet se SPAK ia çon Prokurorisë së Tiranës kallëzimin për kompetencë.
Dokumenti i firmosur nga Altin Dumani
Ndodhur në këto kushte, vlerësohet se duhet te kryhen verifikime të mëtejshme në lidhje me faktet e pretenduara nga kallzimtari në këtë kallzim në lidhje me veprimet e pretenduara të kryera nga Drejtorit të Policisë Vendore Tirane dhe veprimet e punonjësve të policisë që kanë shoqëruar më pas protesten/tubimin e Partisë Demokratike të zhvilluar në dt.23.12.2024 ora 17.00, veprime këto që nga të dhënat e ofruara deri më tani konstatohet se orientohen në drejtim të të veprave penale. të parashikuara nga nenet 90, 248, 250, 251, 253, 261 të Kodit Penal.
Nëse pas verifikimeve apo hetimeve të kryera nga ana Juaj, do të rezultojnë elementë të figurave të veprave penale të parashikuara nga neni 75/a i Kodit të Procedurës Penale, apo ku autorë të mundshëm të veprës penale, do të jenë subjekte për hetimin e të cilëve kompetente është Prokuroria e Posaçme Kunder Korrupsionit dhe Krimit të Organizuar, të na ridërgohen aktet e procedimit penal në fjalë.
Përsa më sipër ju përcillet për kompetence materiali kallzues i mësipërm, pasur parasysh kompetencen lendore dhe territoriale, në respektim të nenit 75/a, 76 dhe 28 të K.Pr.Penale.
Duke ju falenderuar për mirëkuptimin.
DREJTUESI PROKURORISË
Altin DUMANI
