Një media pro ruse, ka publikuar sot një postim ku bëhej me dije se forcat ruse në Ukrainë mund të kenë pësuar deri në 20.000 viktima.
Lajmi është fshirë shumë shpejt, dhe faqja ka pretenduar se lajmi nuk është hedhur nga ata, por se kishin qenë viktimë e një sulmi kibernetik, raportoi The Times.
Media ruse Readovka, tha në një postim në rrjetin social rus VK se forcat e armatosura ruse kishin pësuar më shumë se 13.000 vdekje në Ukrainë që nga fillimi i luftës më 24 shkurt dhe se shifra u njoftua në një konferencë të mbyllur të ministrisë së mbrojtjes.
Kjo media ka shtuar gjithashtu se 7 mijë ushtër nga trupat ruse janë konsideruar të zhdukur në terren.
Midis viktimave që supozohet se u njoftuan në konferencë ishin 116 marinarë të vrarë në kryqëzorin me raketa të drejtuara Moskva, me më shumë se 100 anëtarë të ekuipazhit të zhdukur.
Readovka fshiu postimin për viktimat dhe tha në një postim në kanalin e saj Telegram sot se llogaria e saj ishte hakuar nga territori i shtetit fqinj, Ukrainës./m.j
Mos i besoni asnjërës palë.Është kohë lufte dhe gënjeshtra ka shumë.U tha se janë vrarë 8 gjeneralë rusë,por 6 prej tyre qenkan gjallë.E tha kryebashkiaku i Mariupolit dhe flet nga Roma jo nga Ukraina.Tradhtoi luftëtarët e lirisë për të shpëtuar lëkurën e tij