Kjo foshnje mund të konsiderohet një “mrekulli” pasi çdo ditë që kalon, po sfidon çdo parashikim të mundshëm të bluzave të bardha, duke i lenë këta të fundit pa fjalë.
Historia e saj është padyshim një betejë për jetën. Pikërisht sot, kur askush nuk e besonte se do të jetonte, ajo mbush 2 muaj jetë!
Foshnja e çiftit Balliu lindi me një sëmundje të rrallë, të cilën mjekët e kanë diagnostikuar me anomali në aparatin tretës më konkretisht gangrenë në zorrën e hollë.
Vetëm 6 orë pasi lindi, pa ndier ende ngrohtësinë e trupit të së ëmës, Reanta iu nënshtrua një operacioni tepër të vështirë e të komplikuar, ku iu hoq 70% e zorrës së hollë në maternitetin “Mbretëresha Geraldinë” në Tiranë. Por lufta kundër sëmundjes ishte e tmerrshme, pasi bëhej fjalë për një foshnje fare të njomë.
Mjekët dolën në përfundim se Reanta nuk kishte asnjë shans për të jetuar me ketë komplikacion, prindërve i’u komunikua se duhet të përgatiteshin për më të keqen, por ja që e vogla ka shpirt luftarak dhe nuk dorëzohet. “Ka luftuar shumë dhe ka treguar se e do jetën. Është habi që kjo jeton akoma, zorra e saj e vogël prej vetëm 15 cm të rezistonte të përthithte qumështin”,- thotë nëna e saj Mbaresa përmes lotëve.
Mjekët ishin të mendimit se vajza duhej t’i nënshtrohej një tjetër operacioni për transplant total, i cili për shkak të komplikancionit nuk mund të realizohet në Shqipëri.
Transplanti kryhet në një klinikë të specializuar të quajtur spitali pediatrik “Bambino Gesu” në Romë dhe kushton 26 mijë euro. Por prindërit nuk i kanë kaq para. Të vrarë shpirtërisht, thonë se duhen 26 mijë euro që mund të japin shpresë për jetën e vajzes. Ajo mund të shpëtohet nëse arrijnë të grumbullohen kaq para.
“Operacionin nuk mund ta kryejmë, nuk kam të ardhura ekonomike,. Ajo ka nevojë urgjente për këtë operacion”,- shprehat babai i foshnjës, Taulant Balliu.
“Vini dorën në zemër për këtë fëmijë”,- thotë e ëma më tej.
Taulant dhe Mbaresa Balliu jetojnë në qytetin e Krujës, janë të dy të papunë e pa asnjë të ardhur.Ka qenë ndihma dhe mbështjetja e madhe e Drejtoreshës Ekzekutive të Fondacionit Spitalor të Nënës dhe Fëmijës, Gerta Hagen, e cila gjeti spitalin e specializuar për të operuar Reantën në Romë.Mjeku Pietro Bagolan e ka marrë përsiper operimin e vajzës. Një operacion i kësaj natyre tek një foshnje është i rrallë dhe tepër i vështirë. Por Reanta duhet të operohet urgjentisht pasi orët që kalojnë janë kundër saj.
Sot, Taulant dhe Mbaresa Balliu gjënden në një situatë shumë të vështirë prandaj apelojnë për ndihmë tek kushdo që ka mundësi, tek kushdo që i thërret humanitetit. Prandaj vendosëm të ndajmë me ju historinë e tyre, me shpresën se dikush do të kontribuojë sadopak për të operuar Reantën e vogël…Kjo vogëlushe dëshiron që të jetojë …ju mund të bëheni pjesë e mrekullisë së saj!
“Është një ëngjëll i pafajshëm që meriton të jetojë, kush jemi ne që duhet t’ja mohojmë atë gjë”,- thotë nëna më tej.
Ju mund ta ndihmoni familjen Balliu, në llogarinë e hapur:
Nr i llogarise Credins Bank,Taulant Balliu, kryefamiljari
00000883098 ne USD
00000883096 ne EUR
BalkanWeb/b.d
