Trajneri i Manchester Unitedit, Jose Mourinho, ka refuzuar të komentojë për penaltinë që i siguroi Evertonit gol në barazimin 1 me 1 në Premier Ligë.
Zëvendësuesi Marouane Fellaini shkaktoi penalti pak minuta pasi hyri në ndeshje, në një situatë diskutabile brenda zonës së rreptësisë. Nga kjo penalti, Leighton Baines barazoi rezultatin në 1 me 1 që ishte përfundimtar.
“S’kam asnjë mendim për të. S’kam koment”, ka thënë Mourinho për BBC Sport për vendimin e Michael Oliverit. “Ishim më të mirë në fushë dhe është rezultat që nuk tregon performancën e të dy ekipeve”.
Unitedit ka humbur shtatë pikë nga golat e shënuar në dhjetë minutat e fundit në këtë sezon, më shumë se çdo ekip tjetër, përgatiti Koha. (b.an)
