Nisur nga situata e reshjeve të dëndura, Salla e Komandimit në Policinë e Tiranës është në gadishmëri të plotë, duke i ardhur në ndihmë qytetarëve për çdo rast emergjence. Në ditë normale, Salla e Komandimitt ë Policisë së Tiranës, numëron mesatarisht 1200 thirrje telefonike gjatë 24 orëve. Sipas statistikave të gjeneruara nga sistemi i numrit unifikues 112, rezulton se; në datë 8 Tetor 2016, deri në orën 11:30, punonjësit e Sallës së Komandimit, i janë përgjigjur 3737 telefonatave, nga qytetarë të ndryshëm. (shikoni foton në fund të artikullit)
Ndërkohë që telefonatat nga qytetarët janë në rritje, duke numëruar 880 telefonata të tjera nga intervali kohor 11:30 – 12:00, duke arritur kështu në numrin total 4617 thirrjesh telefonike.
Po të bëjmë një krahasim me sistemin e vjetër, që ishte numri 129, nga këto telefonata, do të humbnin rreth 85% e tyre.
Këshillojmë të gjithë qytetarët që të telefonojnë për çdo emergjencë apo arsye tjetër në numrin 112./a.m.
Tabelë e statistikave të numrit 112, deri në orën 11:30
