Moska zyrtare akuzon qeverinë shqiptare se po përdor sulmet ndaj Rusisë si një alibi politike pas refuzimit të Francës për të hapur negociatat e BE-së me Shqipërinë.
Ambasada Ruse në Tiranë ka publikuar një deklaratë në gjuhën shqipe ku akuzondirekt SHBA-në dhe qeverinë shqiptare se po akuzojnë pa prova Kremlinin.
Ndërkaq, ironia ruse shkon më tej ku këshillon Tiranën dhe Uashingtonin të lexojnë një libër të publikuar në Rusi.
Ambasada ruse, gjithashtu përmend me emër deputetin socialist Ervin Bushati që propozoi rezolutën ndaj ndërhyrjes ruse, duke e akuzuar si prishës i marrëdhënieve ndërmjet dy vendeve.
Deklarata e Ambasadës ruse
Jemi njohur me fjalimet e mbajtura nga folësit e konferencës «US Policy in the Western Balkans», si edhe me planet e parlamentarëve shqiptarë për miratimin e rezolutës për “ndërhyrje të huaj”.
Sa herë që jemi akuzuar për ndërhyrje në punët e brendshme të Tiranës, ne kemi pritur me padurim të paktën edhe një provë për këtë.
Por, miqtë tanë shqiptarë nuk kanë mundur të paraqesin as edhe një provë. Është fatkeqësi që autoritet shqiptare trillojnë histori mitike për të justifikuar “përleshjet” ekzistuese në politikën e brendshme, nga të cilat ne qëndrojmë larg.
Është për të ardhur keq që e gjitha kjo po ndodh dukshëm nën një marrëveshje të heshtur të Ambasadës së SHBA-ve (ah po, kjo nuk quhet ndërhyrje në punët e brendshme).
Akoma më keq, pasi kemi dëgjuar argumentet e autorit të rezolutës, z. Ervin Bushati për një farë virusi, me anë të të cilit rusët mund të “infektojnë” gjithë kompjuterët në rajonin e Ballkanit, u bindëm për analfabetizmin kompjuterik të krijuesve të kësaj“vepre”.
Me këmbëngulje u rekomadojmë të lexojnë librin “Siguria Ndërkombëtare e Informacionit” të sapobotuar në Rusi të një prej specialistëve më të mëdhenj të MPJ-sëruse në këtë fushë.
/a.r
