Shqipëria ka shkëlqyr në Turqi në sfidën miqësore duke triumfuar me shifrat 2-3. Kombëtarja e Panuçit kaloi testin e rëndësishëm duke mundur në transfertë një ekip të fortë si Turqia.
Kombëtarja shqiptare ka kaluar në avantazh në minutën e 24 nga i përhershmi Sadiku.
Pas një shpërthimi në krah, Odise Roshi vertikalizoi për Sadikun i cili brenda zonës u tregua i saktë duke mundur portierin vendas e duke çuar shifrat në 0-1.
Në minutën e 39-të ishte sërish Sadiku i cili nga i njëjti krah shënoi duke mposhtur portierin pas një goditjeje me kokë.
Ndërkohë kombëtarja luan me një lojtar më pak prej minutës së 41-të. Memushaj doli me të kuq pas dy kartonëve të verdhë.
Në nisje të pjesës së dytë turqit kanë shënuar një gol të shpejtë me anë të Tosun. Futbollisti turk çoi topin në rrjetë pas një vertikalizimi nga krahu i majtë, duke shfrytëzuar përgjumjen e mbrojtjes kuqezi.
Ndërkohë kuqezinjtë reaguan pas disa aksioneve të shpejta të turqve. Edhe pse me një lojtar më pak, djemtë e Panuçit shënuan golin e 3-të me anë të Grezdës i cili kaloi mbrojtësit turq duke çuar topin në rrjetë në minutën e 56-të.
Vetëm 4 minuta më pas, në të 60-ën, turqit shënuan sërish pas një aksioni të rrjedhshëm. Akbara çoi shifrat në 2-3.
***
Kombëtarja e Shqipërisë përballet sot me Turqinë prej orës 18:30 në një ndeshje miqësore me Turqinë në Antalia. Shqipëria e Panuçit zbret në fushë me një formacion sulmues.
Ky i sotmi cilësohet si një test mjaft i rëndësishëm për kombëtaren shqiptare, pasi shënon nisjen e një cikli të ri, atij të trajnerit Panuçi, i cili mbylli eliminatoret e lëna në mes nga De Biasi.
MINUTE PAS MINUTE
Përfundon takimi miqësor, Turqi-Shqipëri 2-3
90+1′ Ugur provon me një gjuajtje nga distanca, topi përfundon jashtë kuadratit.
90′ Akordohen 4 minuta shtesë.
86′ Largohet Sabjen Lilaj, në fushë Andi Lila.
81′ Eros Grezda largohet nga fusha e lojës i dëmtuar, vendin e tij e ze Ajdareviç.
78′ Xhaka provon nga goditja e dënimit, topi përfundon mbi kuadrat.
77′ Ozan Tufan ndëshkohet me karton të verdhë pas ndërhyrjes së gabuar ndaj Grezdës shumë pranë hyrjes së zonës.
66′ Shqipëria kryen 3 zëvendësime, largohen Roshi, Lenjani dhe Sadiku në fushë Qaka, Aliji dhe Ajeti.
60′ GOOL Turqia 2-3. Tosun lë një top në zonë për të sapofuturin Akbaba, i cili me një goditje me të majtën mposhtë portierin Berisha duke ngushtuar diferencën.
56′ GOOL Shqipëria 1-3. Eros Grezda shënon golin e parë me fanellën e Kombëtares.
52′ Një tjetër mundësi shënimi për Turqinë. Tosun provon me një gjuajtje të bukur, por Berisha kundërpërgjigjet mjaft mirë duke grushtuar topin.
47′ GOOL Turqia 1-2. Under ngushton diferencën për vendasit pas një asisist të Tosun nga krahu i majtë, mesfushori turk godet saktë shumë pranë vijës fatale duke dërguar topin në rrjetë.
46′ Ka startuar pjesa e dytë.
Ka përfunduar pjesa e parë, Turqi-Shqipëri 0-2
41′ Ledian Memushan ndëshkohet me kartonin e dytë të verdhë pas një ndërhyrje të gabuar në mesfushë. Shqipëria mbetet me 10 vetë.
39′ GOOL Shqipëria 0-2. Roshi kroson në qendër për Sadikun, i cili godet saktë me kokë duke dërguar topin në rrjetë.
32′ Ledian Memushaj ndëshkohet me karton të verdhë.
24′ GOOL Shqipëria 0-1. Roshi pas një depërtimi nga e djathta, servir një top të bukur për Sadikun, i cili godet saktë brenda zonës duke përshëndetur rrjetën.
22′ Përsëri Turqia rrezikshëm. Tosun godet me të majtën, Berisha shpëton sërish portën e Kombëtares.
18′ Rast i rrezikshëm në portën e Shqipërisë. Tosun provon me një goditje të fuqishme brenda zonës, ndërhyn Etrit Berisha. Një pritje e shkëlqyer.
13′ Grezda tenton me një goditje, topi devijohet në goditje nga këndi për Shqipërinë.
12′ Provon edhe Çalhanoglu me të djathtën, topi përfundon jashtë kuadratit.
10′ Turqia provon të rrezikojë portën e Shqipërisë. Tosun lëshon një gjuajtje nga jashtë zonës, ndërhyn Berisha, i cili zotëron topin.
3′ Goditje dënimi për Shqipërinë në krahun e majtë shumë pranë zonës. Kuqezinjtë provojnë një skemë me Lilajn, por mbrojtësit turq tregohen të vëmendshëm duke larguar rrezikun.
1′ Ka nisur takimi./Komenti Panorama
Formacioni i Shqipërisë
Berisha, Hysaj, Mavraj, Veseli, Lenjani, Lilaj, Xhaka, Memushaj, Roshi, Grezda dhe Sadiku.
Formacioni i Turqisë
Babacan, Jardimci, Aziz, Sojuncu, Turan, Jukuslu, Ozjacup, Calhanoglu, Under, Karaman, Tosun.
