Pas ndarjes së këstit të pestë, të plotë për të gjithë ish-të dënuarit nga sistemi komunist, Ministria e Financave njofton se është çelur fondi për ndarjen e këstit të gjashtë për 2400 persona. Në ditët në vijim, këta individë do të marrin paratë sipas procedurave që parashikon ligji i dëmshpërblimeve. Të gjithë përfituesit janë nga kategoria parësore, pjesa e më e madhe ish-të dënuar që janë gjallë dhe që janë mbi moshën 75-vjeç. Në listën që boton “Shekulli” sot, me 2426 emra përkarshi tyre është edhe numri i dosjes për gjithsecilin. Drejtoria e Përfitimeve pranë Ministrisë së Financave bën të ditur se lista është hartuar bazuar në klasifikimin e kategorive prioritare të përcaktuar më herët.
Kategoritë
Janë përcaktuar gjashtë kategori prioritare dhe janë përcaktuar dokumentet që duhen plotësuar për çdo kategori përfituese. Të parat në listë janë gratë e ish-të dënuara që jetojnë në momentin e pagesës. Ndërkohë, në kategorinë e dytë me prioritet janë persona ish-të dënuar mbi 75 vjeç në datën e hyrjes në fuqi të ligjit që vazhdojnë të jenë gjallë. Ndërsa në kategorinë e tretë me prioritet janë persona ish-të dënuar politik të gjallë që vuajnë nga sëmundje të rënda. Në kategorinë e katërt me prioritet janë ish-të dënuarit që janë gjallë, të cilët pavarësisht moshës në momentin e pagesës kanë fëmijë të mitur nën moshën 18 vjeç. Ndërsa për kategorinë e pestë, “Për persona ish të dënuar që nuk jetojnë, por në momentin e pagesës kanë trashëgimtarë të radhës së parë në moshë të mitur nën 18 vjeç”.
ma.me
