Ministri kosovar i Infrastrukturës, Pal Lekaj zhvilloi sot një takim me ambasadorin e Shqipërisë Qemal Minxhozi.
Lidhur me takimin vetë ministri thotë se “diskutuam zhvillimet e fundit në dy vendet tona, me theks të veçantë për çështjen e taksës rrugore për të cilën e rithkesova papajtueshmërinë tonë me çmimin dhe mënyrën se si është marrë ky vendim për njërën nga arteriet kryesore të lidhjes ndërshqiptare”.
Lekaj deklaron më tej se i ka shkruar ministrit Damian GJiknuri por nuk ka marrë përgjigje nga ai.
“Po ashtu e diskutuam edhe letrën zyrtare me të cilën i jemi drejtuar Ministrit të Infrastrukturës dhe Energjetikës, z. Damian Gjiknuri dhe për mungesën e përgjigjes në këtë letër.
Ishte dakordim i dyanshëm që hapat e mëtutjeshëm të bëhen me dakordancë të plotë.
Shqipërisë dhe Kosovës si dy vende vëllazërore ju duhen marrëdhënie me influencë pozitive për zhvillimin e gjithëmbarshëm”, shkruan Lekaj në një postim në FB./a.m.
