Kanceri është sëmundja më e shpeshtë që shkakton vdekje në bote, pasuar nga sëmundjet e zemrës.
Te disa forma të kancerit nuk mund të ndikohet, pasi mutacionet që i shkaktojnë ato gjenden në ADN-në tonë, ndërsa të tjerët mund të shkaktojnë gjëra ndaj të cilave jemi të ekspozuar, të tilla si ushqimi që hamë dhe disa zakone të këqija.
Edhe pse shkencëtarët shpesh nuk pajtohen rreth çështjeve se kush e shkakton kancerin, ata pajtohen rreth disa gjërave të tjera.
Sheqeri
Studimet e reja tregojnë se sheqeri ndikon në zhvillimin e tumoreve, pasi qelizat e tumoreve përdorin sheqerin si karburant.
Industria e ushqimit të përpunuar
Shkencëtarët francezë kanë konfirmuar lidhjen ndërmjet konsumimit të ushqimit të përpunuar dhe zhvillimit të tumoreve. Megjithatë, ata nuk janë të sigurt se kush është fajtor në këtë rast: konsrvantët, paketimi plastik, të dyja bashkë ose diçka e tretë.
Pirja e duhanit
Edhe pse industria e duhanit është përpjekur për të fshehur këtë lidhje, ajo ka qenë e njohur për vite se në tymin e duhanit gjenden 70 kimikate që mund të shkaktojnë kancer. Jo vetëm duhanpirësit janë në rrezik, por gjithkush që i ekspozohet këtij tymi. Qendra për Kontrollin dhe Parandalimin e Sëmundjeve në Britani ka gjetur se jo-duhanpirësit e ekspozuar ndaj tymit të duhanit do të kenë mbi 30 për qind më shumë shanse për kancer.
Solariumi dhe ekspozimi në diell
Agjencia për Parandalimin e Kancerit të Lëkurës ka njoftuar se njerëzit që vizitojnë sallonet për rrezitje deri në moshën 35-vjeçare kanë 75% më shumë mundësi për kancer të lëkurës. Kjo mund t’ju dëmtojë edhe nëse rreziteni në diell pa një krem mbrojtës.
Mishi i grillit në zjarr të hapur
Edhe pse e shijshme, mishi i grillit përmban komponentë të tillë si aminoacidet heterociklike dhe hidrokarburet aromatike policiklike. Mishi i përgatitur në zjarr të hapur ose në temperatura të larta lëshon lëngje dhe vajra që ushqejnë flakën dhe kthehen në kimikate të rrezikshme, të cilat pastaj i kthehen mishit që hamë. Shkencëtarët nuk janë të sigurt nëse vërtet shkaktojnë kancer, por testet laboratorike kanë treguar se ato shkaktojnë dëme që mund të çojnë në kancer.
Alkooli
Konsumimi i shpeshtë i alkoolit mund të çojë deri te zhvillimi i disa llojeve të kancerit, përfshirë edhe atë në fyt, mëlçi, gji dhe zorrën e trashë.
Ndotja e ajrit
Smogu dhe grimcat e ajrit të ndotur, sipas shkencëtarëve, mund të çojnë në zhvillimin e kancerit.
a.ç
