Ministri italian i Financave, Pier Carlo Padoan, është shprehur ashpër ndaj Evropës, duke pohuar se problemi i Evropës është vetë Evropa.
Ai bën thirrje gjithashtu për ta marrë seriozisht populizmin.
“Sfida që parashtrojnë mbrojtësit e tezës së Brexit dhe Donald Trump është se ata kanë një vizion, jemi apo jo dakort me të. E kundërta ndodh në Evropë, që nuk ka një të tillë”, shprehu me keqardhje ministri gjatë një debati në World Economic Forum (WEF) mbi mënyrën se si elitat mund të rindërtohen me shtresat e mesme.
“Jam i shqetësuar pasi Evropa nuk ka strategji për të përballuar pamjen e re të globalizimit. Nuk bën gjë tjetër përveç reagimit”, siguroi Padoan, që shkon më larg akoma duke konfirmuar se problemi i Evropës është vetë Evropa.
Në këtë kontekst, ministri italian i bëri thirrje BE për të marrë seriozisht populizmin./b.d
