Atualiteti thotë se merkato e Milan-it është në “stand by”.
Objektivi numër një është argjentinasi Angel Correa i Atletico Madrid, por deri në momentin që nuk do të shitet asnjë lojtar, ka pak mundësi që të blihet një tjetër.
Megjithatë, klubi kuqezi është vënë në lëvizje për të ardhmen, Një nga emrat në listën e milanezëve është ai i Florian Neuhaus, mesfushori 22-vjeçar i Borussia Moenchengladbach, që në Gjermani kanë filluar ta krahasojnë me Kaka dhe Matthaus.
Menaxheri i Neuhaus, Christian Nerlinger (ish-lojtar i Bayern Munich dhe Borussia Dortmund), është takuar me drejtuesit kuqezinj për të folur në lidhje me transferimin e mundshëm të lojtarit në Milano. Jo për këtë sesion të merkatos, por për atë të verës 2020-të.
Neuhaus ka realizuar 5 gola dhe ka dhënë 11 asiste në 35 ndeshjet e luajtura sezonin e kaluar me Monchengladbach në të gjitha kompeticionet. Vlera e tij në merkato është 22 milionë euro dhe kontrata e tij me klubin gjerman skadon në qershorin e vitit 2022.
