Zv.kryeministri Erion Braçe i ka dërguar një mesazh publik ngushëllimi koleges së tij Blerina Gjylameti, për humbjen e vëllait të saj.
Ai i kujton deputetes që duhet të bëhet e fortë për prindërit dhe për nipërit e mbesat. Braçe i kërkon Gjylametit të bëhet e fortë për prindërit e saj, që t’ua zbusë sadopak dhimbjen.
Vëllai i deputetes, Elton Maçolli humbi jetën pas një aksidenti me makinë, ndërsa vitin e kaluar Gjylameti u përball me humbjen e së motrës, e cila vuante nga një sëmundje e rëndë.
Postimi i plotë në Instagram:
Blerinë, mike;
Bëhu e fortë!
E di, është tmerr e rëndë,
një motër e një vëlla kaq pranë ne qiell,
kaq të rinj e familje te lumtura,
por duhet te qëndrosh e fortë!
Je ti tani për prindërit,
dhimbja e tyre është aq e madhe;
Je ti-kush tjetër, për nipër e mbesa të mitur që duhet të jetojnë, të rriten e të kenë një jetë të re mes dhimbjes pa fund!
Ti mund tua zbusësh,
ti mund tu japësh një jetë të re me kujtimin e fortë të prindërve që humbën.
Ti nuk ke nevojë për kurajo!
Je e tillë, kurajo!
/a.r
