Lideri i grupit legjendar të rok n’roll Rolling Stones, Mick Jagger, parashikoi me saktësi të habitshme rezultatin e zgjedhjeve të fundit parlamentare në Britani të Madhe, tha këshilltari politik i Partisë Konservatore Jim Messina, raportoi portali Neë Musical Express (NME) .
Messina, i cili në vitin 2012 ishte shef i fushatës së presidentit amerikan Barak Obama tha se se Jagger i kishte thënë direkt atij se lideri konservator, kryeministri David Cameron dhe partia e tij do të fitojë zgjedhjet.
Suksesi i konservatorëve dhe fitimi prej tyre i shumicës në Parlament, numër me të cilët mund të formohet një qeveri, ka befasuar shumë, shkroi Messina në një artikull për revistën “Politico”, duke shtuar edhe faktin se Jagger është “një nga analistët më të mprehtë politikë” që kishte takuar.
“Para zgjedhjeve britanikë, unë kam qenë në Londër në një darkë në të cilën kam zbuluar se Mick tërë jetën ishte shumë i varur nga politika”, tha Messina, këshilltar i lartë politik për fushatën të Tory (Konservatorëve). Nga Jagger ka mësuar se në kohën e turneve, ai “ka pasur kohë shumë të lirë, që ia ka dedikuar leximit.”
“Kështu që unë mësova se ai nuk është vetëm një vëzhgues i lartë i politikës britanike, por edhe i asaj në Shtetet e Bashkuara, edhe pse jo aktivist dhe nuk mbante anë.” Do të fitoni, i ka thënë Jagger. ‘Pse mendoni kështu?” -e pyeta, dhe Mick tha se, edhe pse ai nuk mbështet ndonjë kandidat, “njerëzit e zakonshëm mendojnë se Cameron di të marrë vendime të vështira dhe se situata është përmirësuar, dhe ndaj votuesit nuk do të ndryshojnë mendje”, shkruante Messina.
Nga ana tjetër, shtoi ai, Jagger mendonte se opozita (ish-kreu i Partisë Laburiste, Ed Miliband) “shihen si një kthim në të kaluarën “.
