Michael Nees ka gati një vit që ka nisur punën në FFK dhe prioritet i tij, ndër të tjera është të instalojë aq sa është e mundshme “frymën gjermane” të punës në Federatën e Futbollit të Kosovës.
Si drejtor teknik i FFK-së, ai është përgjegjës për zhvillimin e ekipeve të reja të Përfaqësueses së Kosovës, si U-15, U-17, U-19 e U-21 te meshkujt si dhe U-19 te femrat, shkruan Koha Ditore. Veçmas kësaj, Nees ka filluar edhe me edukimin e trajnerëve, të cilët për herë të parë kanë pasur mundësinë që të pajisen me licencën C në vend. Ka edhe shumë punë të tjera para vetes.
“Drejtori teknik është personi që udhëheq zhvillimin teknik në federatë. Është ai që harton plane afatgjate, afatmesme dhe afatshkurtra për të dërguar zhvillimin e futbollit në drejtimin e duhur.
Pra, nëpërmjet strategjive të ndryshme që implementohen tek gjeneratat e reja, përfshirë këtu edhe edukimin e trajnerëve”, shprehet Nees 50-vjeçar. (b.an)
