Presidenti i Republikës së Shqipërisë, Ilir Meta, të enjten në emisionin ‘Opinion’ në TV Klan ka folur në lidhje me dhënien e nënshtetësisë shqiptare Kryepeshkopit të Kishës Ortodokse autoqefale shqiptare, Anastas Janullatos.
I pyetur nga drejtuesi i emisionit Blendi Fevziu, se kush ishte ai që kërkoi për t’i dhënë nënshtetësinë shqiptare Kryepeshkopit Janullatos, Meta theksoi se ishte një bindje e tij institucionale.
Duke shtuar se kjo bindje erdhi, bazuar mbi ligjin për nënshtetësinë që Kryepeshkopi plotësonte.
Meta tha se duke i dhënë nënshtetësinë shqiptare Anastas Janullatosit, i ka bërë një shërbim të mirë Kishës Ortodokse autoqefale shqiptare, por edhe falë respektit të besimtarëve ortodoksë.
Presidenti tregoi se ka pas një kërkesa të shumta nga profesorë, mjekë dhe njerëz të kulturës që t’i jepet nënshtetësia shqiptare Anastas Janullatosit.
Meta tha se ata janë shumë të lumtur për këtë veprim, pasi e konsideronin si një padrejtësi.
Sipas tij, Janullatosi ka dhënë një kontribut të madh për ngritjen e kishave ortodokse nga hiri, pasi ishin rrënuar nga regjimi komunist.
Në këtë lëmë, për Presidentin e Republikës, është dhënë një kontribut shumë i madh nga ana e Kryepeshkopit.
Meta tha se kjo çështje nuk duhet politizuar. /Opinion.al
