Pas arrestimit të Matteo Messina Denaro, policia po vijon hetimet dhe kërkimet. Karabinierët kanë kontrolluar shtëpitë e ish-të dashurës së bosit mafioz Maria Mesi dhe vëllait të tij Francesco në Bagheria.
Të dy janë hetuar në të kaluarën për favorizimin e fshehjes së bosit të mafias. Francesco Mesi negocioi dënimin, gruaja u arrestua më 14 qershor 2000.
Maria Mesi është dënuar për ndihmë të rëndë ndaj mafies. Hetuesit gjetën disa letra dashurie që kishin shkëmbyer bosi i mafias dhe gruaja.
Dy persona të tjerë përfunduan në burg së bashku me të, të akuzuar si mbajtës të kontratës së qirasë së një apartamenti ku fshihej Messina Denaro në Aspra, në zonën e Palermos.
Një ditë më parë një grua shkoi me vullnetin e saj në Kuesturë dhe përpara prokurorëve deklaroi se ka frekuentuar për një kohë të gjatë bosin mafioz Matteo Messina Denaro. Ajo u shpreh se nuk e njihte me këtë emër, por që ka arritur ta identifikojë vetëm pas publikimit të fotos së tij në televizion pas arrestimit.
/a.r
