Lionel Messi është detyruar t’i kërkojë falje sulmuesit të Zenitit, Sebastian Druiussi, pasi e kishte ngatërruar bashkëkombësin e vet duke menduar se ishte tifoz që po kërkonte selfie.Kjo ndodhi sot në Rusi para ndeshjes miqësore mes Argjentinës dhe Rusisë, transmeton Express.Para ndeshjes, 30-vjeçari po jepte autografe dhe bënte fotografi me tifozë si zakonisht.E në mesin e atyre që po e shfrytëzonin rastin për një fotografi me pesë herë fituesin e Topit të Artë, ishte edhe Driussi, të cilin Messi nuk e kishte njohur në fillim.Pasi sulmuesi argjentinas i Zenitit e kishte postuar fotografinë me të në Instagram, Messi e kishte kuptuar kush ishte ai dhe ka kërkuar falje.
Messi tha për Fox Sports Argentina është plotësisht në dijeni se kush është ish-ylli i River Plates.
“U ndjeva keq se nuk e njoha në atë moment sepse nuk e njoh personalisht. Por, e di se kush është ai.
Kur më pyeti për fotografi mendova se ishte njëri prej tifozëve që po priste në rend për fotografi. E kur e pashë fotografinë në Instagram i kërkova falje. Në të kaluarën kemi shkëmbyer mesazhe përmes dikujt tjetër dhe e ndajmë të njëjtin artist të tatuazhit”, ka shpjeguar Messi. (b.an)
