Messi dhuroi asistin e 140 në La Liga në fitoren 2:0 të Barcelonës kundër Malagas, duke u përfshirë kështu në 500 gola për katalunasit.Pas barazimit 1:1 me Atletico Madridin, Barcelona i është rikthyer fitoreve në La Liga, shkruan Gazeta Express.
Lojtaret e Ernesto Valverdes morën tri pikë kundër Malagas në “Camp Nou”, duke triumfuar 2:0 me golat e Gerard Deulofeus dhe Andres Iniestas.Në golin e dytë asistoi Lionel Messi duke arritur në shifrën e 140 asistimeve në La Liga me fanellën e Barcelonës.
Kështu, Messi ka qenë i përfshirë në 500 gola për Barcelonën deri më tani në 391 ndeshje në La Liga – 360 gola dhe 140 asistime, përgatiti ”Gazeta Express”. (b.an)
