Tre persona në Tiranë janë arrestuar, pasi tentuan të merrnin kredi me dokumentacion të falsifikuar. Pas operacionit “Kredimarrësit Ekspres” janë arrestuar Paulin Aliaj, 25 vjeç, banues në Tiranë; Elisabeta Imerraliaj, 25 vjeçe, banuese në Tiranë; Edison Nuzi, 26 vjeç, banues në Tiranë.
Të tre këta persona, në bashkëpunim me njëri -tjetrin, po tentonin të tërhiqnin një kredi me dokumentacion të falsifikuar, në një bankë të nivelit të dytë.
Sipas policisë ata kanë arritur të marrin kredi në pesë filiale bankash të nivelit të dytë. Materialet procedurale iu kaluan Prokurorisë së Rrethit Gjyqësor Tiranë, për veprën penale të “Mashtrim”, “Mashtrim në Kredi” dhe “Falsifikim i Dokumentacionit”.
