Pas arrestimit një ditë më parë të dy adashëve, Endrit Qyqja dhe Endrit Zela, si pjesë e grupit të Emiljano Shullazit, policia ka marrë në mbrojtje biznesmenin të cilit ata i kanë vënë një gjobë 1 milion euro. Mësohet se biznesmeni është marrë në mbrojtje për shkak se i rrezikohet jeta, si dhe është bërë pjesë e programit të dëshmitarëve të Drejtësisë.
Biznesmeni i kërcënuar ka pranuar të bashkëpunojë me organin e akuzës, duke rrëfyer për hetuesit kërcënimet, dhunën fizike dhe gjobat që ka paguar te të dyshuarit Shullazi dhe të bashkakuzuarit e tij. Ndërkaq, Prokuroria ka kërkuar masë arresti me burg për dy “ushtarët” e Shullazit, të cilët madje e kanë vizituar këtë të fundit në burg për porositë e veçanta. Ai u ka dhënë deri më tani 100 mijë euro në çeqe dy personave të arrestuar.
ma.me
