Udhëheqësi i Partisë Demokratike Shqiptare në Maqedoni, Menduh Thaçi, e ka pranuar humbjen e partisë së tij në zgjedhjet e parakohshme parlamentare, të mbajtura të dielën.Thaçi e ka marrë vetë përgjegjësinë për humbjen e PDSH’së, duke thënë se humbja e partisë së tij në zgjedhjet e të dielës është vetëm një betejë e humbur, raporton Gazeta Express.
“Nuk ka vend për zhgënjim”, ka thënë Thaçi në një konferencë para gazetarëve.Thaçi ka thënë se humbësja e vërtetë e zgjedhjeve është Bashkimi Demokratik për Integrim, i udhëhequr nga Ali Ahmeti.
“BDI ka humbur katastrofalisht”, është shprehur Thaçi.
Ai ka thënë se në mesin e shqiptarëve, fituese është Lëvizja Besa, e udhëhequr nga Bilal Kasami.
“Ne mbështesim Lëvizjen Besa si fituese të zgjedhjeve”, ka thënë Thaçi, duke u shprehur se Besa do ta ketë përkrahje të pakushtëzuar nga PDSH.
Thaçi ka thënë se Besa nuk është parti e krijuar nga turqit, duke e minimizuar këtë konstatim si “broçkulla” të Ali Ahmetit. (b.an)
