Largimi i shumëpërfolur i çiftit të mbretërorëve, Princ Harry dhe Meghan Markle nga Pallati Mbretëror i Britanisë së Madhe, ka qenë një temë e nxehtë për të gjitha mediat anë e mbanë botës.
Por, ndërkohë që nuk ka kaluar as një muaj nga largimi i çiftit nga monarkia britanike, në mediat e huaja ka qarkulluar lajmi se Meghan ka nisur të planifikojë edhe divorcin nga bashkëshorti i saj Harry, me të cilin ka edhe një djalë.
Sipas mediave britanike është mësuar se Meghan do ta lërë Harryn brenda 3 ose 5 vitesh.
Kjo vlerësohet edhe si një e vërtetë, përsa kohë Meghan e tregoi haptazi se në Pallatin Mbretëror të Anglisë nuk u ndje aspak vetvetja, nën kostumin e dukeshës dhe me rregullat e forta e jo shumë të zakonshme për karakterin e saj, që i duhej t’i zbatonte.
Megjithatë ajo u mbështet nga bashkëshorti i saj Harry, dhe të dy së bashku hoqën dorë nga titujt mbretërorë, e njëkohësisht edhe nga pasuria e Mbretërisë.
Sipas revistës ‘Globe’, deklaratat e ekspertit të oborrit Mbretëror, Uayne Dupree tregojnë të vërtetën e divorcit të Meghan nga Harry.
“Meghan do të divorcohet nga Harry brenda 5 viteve. Ose mbase 3. Në fakt, thashethemet qarkulluan muaj më parë, për një divorc të mundshëm midis Dukës së Sussexit, që Mbretëresha madje mendohet ta ketë miratuar. Harry dëshiron një jetë të qetë, larg vëmendjes së mediave, por kjo nuk është ajo që dëshiron gruaja e tij. Meghan ndjen thirrjen e Hollivudit dhe milionat që mund të vijnë bashkë me të”.–ka thënë Dupree.
Gjithashtu në një deklaratë edhe e motra e Meghan, Samantha ka thënë të njëjtën gjë se, Meghan dëshiron t’i kthehet Hollivudit: Qëllimet e saj janë fama dhe pasuria. Objektivi i saj është Hollivudi. Kjo shkaktoi një ndarje të thellë midis Harryt dhe Uilliamit, dikur të pandashëm. Dhe pas disa muajsh, në stilin tipik të Meghan, ajo vendos të thotë mjaft dhe djeg urat, duke lënë pas një gjurmë lëndimesh dhe zemrash të thyera.
g.kosovari
