Shqiptarët vijojnë me “bëmat” e tyre në të katër anët e botës.
Gjatë ditës së sotme një media skoceze “The Press and Journal” shkruan se gangsterët e Evropës Lindore janë nën hetim për përdorimin e një firme çeliku si vend punësimi të punëtorëve të paligjshëm.
Sipas medias nga vendi britanik ky është një hetimi i Qeverisë së Mbretërisë së Bashkuar për “Kupa Steelfixing Ltd”, e cila u zbuluan dje në Aberdeen, ndërsa administratori Rebani Kupa pranoi përfshirjen e tij në operacion.
Artikulli
Gjykata tha se prokurorët u futën në vendin e ndërtimit në Bucksburn, aty ku është zbuluar se krimi i organizuar shqiptar ishte nënkontraktor.
Një zëdhënës konfirmoi se gjashtë shtetas të tjerë shqiptarë ishin arrestuar si rezultat i hetimit.
Kupa, 35 vjeç, pranoi se ndihmonte për të sjellë punëtorë të paligjshëm për të punuar në ndërtimin me vlerë 333 milionë paundësh.
Alan Townsend, tha: Një ekip hetimor filloi një operacion për një grup kriminal shqiptar në shkurtin e kaluar.
“Ai u fokusua tek Kupa Steelfixing Ltd, një firmë e cila ishte nënkontraktuar në shumë vende të mëdha ndërtimi.
“Hetimi tregoi se shumë njerëz të punësuar nga kompania përdorën emra të rremë dhe dokumente identifikimi, nën pretendimin se ata kanë lindur në Kosovë.
“Një numër shtetasish shqiptarë u arrestuan se ishin futur ilegalisht në Britaninë e Madhe”.
Rreth 12,500 vende pune u kontraktuan me Robertson dhe Careys te cilët ia lanë gjithçka në dorë Kupa Steelfixing Ltd.
Një zëdhënës i Careys këmbëngul që kompania “distancohet nga krimi i organizuar” dhe kishte kryer të gjitha këto nën “kujdesin e duhur” përpara se të niste nga puna firma e çelikut.
Ai tha: “Ne nuk punojmë jashtë ligjeve të punësimit dhe kemi kuptuar se ky individ është lejuar të punojë në Mbretërinë e Bashkuar”.
Disa grupe punësojnë njerëz të paligjshëm pasi zakonisht paguhen më pak.
Zyrtarët e emigracionit pas një vizite në vendin e punës zbuluan se për kompania “Kupa” kishte dhënë informata të rreme për zyrat qendrore.
Gjatë këtij muaji oficerët e policisë ndërmorën aksionin për të arrestuar Kupën
I akuzuari u intervistua në Edinburg nga oficeri kryesor i imigracionit në Mbretërinë e Bashkuar, ku ai pranoi se punonte për “Kupa Steelfixing Ltd” prej 18 muajsh dhe gjatë kësaj kohe organizata kishte paguar për akomodimin e tij.
Por z. Toënsend tha se i akuzuari mohoi se ishte i lidhur me ata që drejtonin ndërmarrjen pavarësisht se kanë të njëjtit mbiemër.
“I akuzuari pranoi se ai nuk ka leje për të punuar në MB dhe ishte këshilluar të thotë se ishte kosovar”.
Një menaxher i Kupa Steelfixng Ltd, i cili nuk donte të identifikohej mohoi se firma ka lidhje me krimin e organizuar.
Ai tha: “Unë jam i vetëdijshëm se Rebani është ndaluar, por unë nuk informacion për ndonjë hetim më të gjerë.
“Ne jemi ende duke punuar në AECC dhe nuk kemi bërë asgjë të gabuar.
“Burrat që ndaluan nga policia ishin nënkontraktorë, jo punonjës.
“Ne kemi qenë gjithmonë shumë të kujdesshëm, por tani kemi marrë hapa shtesë për të ndaluar përsëritjen e ngjarjeve si këto.
“Nuk është e vërtetë se ne jemi të lidhur me krimin e organizuar, jo fare”.
Këshilli i Qytetit në Aberdeen nuk pranoi të komentojë ngjarjen, por grupi i ndërtimit të Robertson u zotua të ndihmojë në hetimin.
Një zëdhënëse shtoi: “Kjo është një çështje për Careys dhe nënkontraktorin e tyre.
“Megjithatë, ne jemi të vetëdijshëm për hetimin dhe do të vazhdojmë të bëjmë gjithçka që mundemi për ta mbështetur”./Express
