Ministri i Brendshëm Bledi Çuçi, ka zhvilluar një takim me Shtabin e Emergjencave në Qarkun e Gjirokastrës, për shkak të përmbytjeve.
Çuçi kërkoi koordinimin e strukturave dhe që të gjithë të ishin në gatishmëri në dy ditët e ardhshme, pasi priten reshje intensive. Më tej ai shtoi se është krenar për ndihmën që iu është dhënë qytetarëve në këto ditë të veshtira teksa tha se vite më parë njerëzit liheshin në mëshirë të fatit.
“Prezenca ka qenë e plotë. Duhet të jemi në gatishmëri të plotë në dy ditët e ardhshme, sepse pritet një situatë me intensitet të lartë reshjesh. Për këtë duhet të jemi në alert të plotë. Kemi krijuar një protokoll të qartë. Kemi pasur një koordinim të mirë në të gjithë vendin. I gjithë shteti ka qenë në gatishmëri pranë qytetarëve. Kjo na bën krenarë të gjithëve. Nuk duhet të harrojmë se çfarë ndodhte më parë, ku jo vetëm liheshin në mëshirë të fatit qytetarët, por edhe prezenca e strukturave ishte thuajse inekzistente. Pa diskutim që ka vend për t’u diskutuar, sidomos në çështjet e koordinimit”,- tha ministri Çuçi.
g.kosovari
