Një grua daneze 81-vjeçare që udhëtonte nga Afrika në Kanada u arrestua në aeroportin e Varshavës me dyshimin për posedim të paligjshëm të një sasie heroine me vlerë mbi 515,000 dollarë, thanë të premten zyrtarët në Poloni.
Oficerët e doganës në aeroportin Frederic Chopin vendosën të kontrollojnë bagazhin e gruas të dielën pasi dyshuan për itinerarin e saj dhe sjelljen e saj të pakëndshme. Në fund të një valixheje u zbuluan pako që mbanin rreth 5 kilogramë heroinë.
Gruaja, që udhëtonte nga Malavi dhe Kenia përmes Dohas dhe Varshavës, mohoi çdo keqbërje dhe tha se anëtarët e familjes i kishin dhënë valixhen me dhurata për të afërmit në Kanada, sipas Aleksandra Skrzyniarz, një zëdhënëse e zyrës së prokurorit në Varshavë.
Ajo u ndalua për tre muaj dhe prokurorët kanë hapur një hetim. Sipas ligjit polak, ajo përballet me 15 vjet burg për posedim të paligjshëm të lëndëve narkotike.
Zyrtarët danezë konfirmuan se një shtetase danez u arrestua në Poloni dhe thanë se ministria “po ofron ndihmë konsullore”.
/e.d
