Dhënia e dëshmisë së kryeministrit Edi Rama në komisionin e inceneratorëve është shoqëruar me ironi dhe batuta mes tij, kryetares së komisionit, Jorida Tabaku dhe deputetit Belind Këlliçi.
Shkak është bërë fikja e mikrofonit të kryetares Tabaku, nga regjia e Kuvendit, teksa po replikonte me kryeministrin.
Në atë moment Rama iu drejtua regjisë duke pyetur personin përgjegjës nëse ishte socialist apo demokrat dhe tha se mori nga ai përgjigjen se ishte me “Foltoren”.
Edi Rama: Që të jemi të qartë ne nuk kemi ndërtuar inceneratorë. Duhet ta mësoni këtë.
(Ndërhyn deputetja Dhurata Çupi)
Më lerë tu bëfsha kurban, mezi po pres të merrem me Dhuratën, Dhurata la dhe Dibrën për mua sot. Sot ke bërë gjënë e duhur le të tretin për të parin.
Jorida Tabaku: A ka mundësi që të fokusohemi te përgjigjet. Ka mundësi që të vazhdojmë!
Edi Rama: Zonja Tabaku nuk jam unë që duhet t’i them kolegëve të mos flasin, jeni ju!
(Kryetares Jorida Tabaku i fiket mikrofoni)
Edi Rama: Jeni e marr peng nga regjimi!
Jorida Tabaku: Ndërkohë që isha duke folur kryeministria mori peng gjithë mikrofonat. Teknika është e pamundur që të më mbyllni mikrofonin
Edi Rama: Nuk ta ka mbyllur njeri e ke hapur
Këtë qerosin që është këtu kam 20 vjet që e shoh këtu. Ç’a është ky socialist apo demokrat? Shiko ai duket që është me “Foltoren” dhe e konfirmoi. Çohu çohu, hë mo ti çohu…
Belind Këlliçi: A ka mundësi të bëhemi serioz?
Edi Rama: Hë mo se s’u bë qiameti se bëmë 1 minutë publicitet për “Foltoren”.
Belind Këlliçi: Në komunikim në propagandë ju jeni shumë i zoti, a keni mundësi të jepni përgjigje?
Edi Rama: Ne nuk kemi ndërtuar incinerator, kemi ndërtuar impiante të përpunimit të mbetjeve që prodhojnë energji./m.j
