Autoritetet australiane po kërkojnë për një kapsulë të vogël që përmban një substancë radioaktive, e humbur diku përgjatë një rruge 1 400 km.
Kapsula, e cila përmban një sasi të vogël të caesium-137 radioaktiv, është rreth 6 mm në diametër dhe 8 mm e lartë, deklaroi Western Australia Health (WAH).
Kapsula, e parë për herë të fundit më 10 janar, besohet se ka rënë nga pjesa e pasme e një kamioni diku midis një vendi minierash në veri të qytetit Newman dhe verilindjes së Perthit.
Grupi global i minierave Rio Tinto konfirmoi të shtunën se kapsula erdhi nga një prej minierave të saj.
“Siguria është prioriteti ynë kryesor dhe ne po punojmë dhe mbështesim Këshillin Radiologjik, kontraktorët e përfshirë, si dhe shërbimet e urgjencës për të ndihmuar me kërkimin”, deklaroi
Kapsula nuk mund të përdoret si armë, por mund të shkaktojë pasoja të rënda shëndetësore, tha në një deklaratë Western Australia Health.
/a.r
